Ենթադրենք Նաիրա Զոհրաբյանը այս պահին հիվանդ է. Հովիկ Աղազարյան
Ազգային ժողովը քննարկում է «Իմ քայլը» խմբակցության ներկայացրած նախագիծը, որով առաջարկվում է Նաիրա Զոհրաբյանին զրկել ԱԺ մարդու իրավունքների հարցերով հանձնաժողովի նախագահի պաշտոնից:
ԲՀԿ խմբակցությունը, ինչպես և հայտարարել էր երեկ, նիստին չի մասնակցում:
Իր ելույթում իմքայլական պատգամավոր Հովիկ Աղազարյանն ասաց, որ կողմ է քվեարկելու նախագծին, քանի որ Զոհրաբյանի հայտարարություններն անհամատեղելի են վերջինիս զբաղեցրած պաշտոնի հետ. «Բայց ինձ մի ուրիշ բան է անհանգստացնում: Ենթադրենք, որ կարող է պատահի ինքը հիվանդ է այս պահին: Միգուցե ճշտենք այդ հանգամանքը, որպեսզի հետագայում շահարկումներ չլինեն»:
Աղազարյանն ԱԺ ղեկավարությանը խնդրեց պարզաբանումներ ներկայացնել, իսկ ԱԺ նախագահն ասաց, որ տիկին Զոհրաբյանը պատշաճ կարգով տեղեկացվել է:
