Երկրաշարժ Վրաստանում
Վրաստանի հարավ-արևմուտքում՝ Սամցխե-Ջավախքի տարածաշրջանում, 3.1 բալ ուժգնությամբ երկրաշարժ է գրանցվել: Զոհերի կամ ավերածությունների մասին տեղեկություն չկա։ Այդ մասին հայտնել է Վրաստանի սեյսմիկ մոնիթորինգի ազգային կենտրոնը, գրում է «Ինտերֆաքսը»:
Համաձայն սեյսմոլոգների տվյալների՝ ստորգետնյա ցնցումները գրանցվել են դեկտեմբերի 10-ին՝ Թբիլիսիի ժամանակով ժամը 22։53-ին, Բորժոմի քաղաքից 12 կմ հարավ-արևմուտք։ Երկրաշարժի կենտրոնը գտնվել է 13 կմ խորության վրա։
