Գյումրիում բախված երկու ավտոմեքենաներից մեկի ուղևորը հոսպիտալացվել է

Շիրակի մարզային ճգնաժամային կառավարման կենտրոնը դեկտեմբերի 6-ին, ժամը 10:15-ին ահազանգ է ստացել, որ Գյումրի քաղաքի Շահումյան փողոցում տեղի է ունեցել ՃՏՊ․ կա տուժած:

Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ:

Պարզվել է, որ Տերյան փողոցի թիվ 48/1 շենքի մոտակայքում բախվել են «Opel Astra G» (վարորդ՝ Շավարշ Ա․, ծնված 1996 թ.) և «BMW» (վարորդ՝ Մուշեղ Ղ․, ծնված 1992 թ.) մակնիշների ավտոմեքենաները:

Փրկարարները «Opel Astra G» մակնիշի ավտոմեքենայից դուրս են բերել ուղևոր Սուրիկ Ա․-ին (ծնված 1968 թ.) և մոտեցրել շտապօգնության ավտոմեքենային․ վերջինս հոսպիտալացվել է Գյումրու բժշկական կենտրոն, որտեղ բժիշկները նրա առողջական վիճակը գնահատել են բավարար: