Ադրբեջանն ու Թուրքիան մտադիր են բարձր տեխնոլոգիաների պարկ ստեղծել ԼՂ-ում
Բարձր տեխնոլոգիաների այգին կստեղծվի Ադրբեջանի եւ Թուրքիայի կողմից Ղարաբաղում, համապատասխան հուշագիր է ստորագրվել երկրների միջեւ, հաղորդում Է Ադրբեջանի նորարարությունների գործակալությունը, փոխանցում է РИА Новости-ն։
«Ղարաբաղը միշտ եղել է մշակույթի կենտրոն, բանաստեղծների, երաժիշտների և արվեստագետների հայրենիք։ Ղարաբաղը բարձր տեխնոլոգիաների և նորարարությունների տարածաշրջան դարձնելը կարևոր նշանակություն ունի մեր պետության տնտեսության և առաջընթացի համար։ Այդ նպատակով Ղարաբաղում նախատեսվում է բացել տեխնոլոգիական այգիներ, նորարարական կենտրոններ։ Նորարարությունների գործակալությունն առաջին քայլն է արել այդ ճանապարհին՝ հուշագիր ստորագրելով Թուրքիայի խոշորագույն արդյունաբերական շրջաններից մեկում տեղակայված GOSB տեխնոպարկի հետ, որն աջակցում է 130 տեխնոլոգիական ընկերությունների»,- ասված է գործակալության հաղորդագրության մեջ:
Նշվում է, որ «հուշագրում նշված են կետեր, որտեղ ասվում է երկու կողմերի հետագա համատեղ գործունեության մասին»:
