Ֆեյսբուքի հայկական տիրույթում շարունակում է տեղեկություն շրջանառվել «Իրանում գտնվող 82 հայ զինծառայողների մասին»։ Տարածվող լուրում կոչ է արվում Մարտունիում, Ջաբրայիլում, Վայքում ծառայող անհայտ…
Ֆեյսբուքի հայկական տիրույթում շարունակում է տեղեկություն շրջանառվել «Իրանում գտնվող 82 հայ զինծառայողների մասին»։ Տարածվող լուրում կոչ է արվում Մարտունիում, Ջաբրայիլում, Վայքում ծառայող անհայտ կորած զինվորների ծնողներին մոտենալ Հայաստանում Իրանի դեսպանատուն՝ իրենց զավակների մասին տեղեկություն ստանալու նպատակով, infocheck.am:
«Տեղեկատվության ստուգման կենտրոնին» Արտաքին գործերի նախարարությունից հայտնեցին, որ Իրանում ՀՀ դեսպանության հարցումներին ի պատասխան և Երևանում Իրանի դեսպանատան հետ մշտական կապով իրանական կողմը չի հաստատել ներկա դրությամբ որևէ զինծառայողի ներկայություն իրենց մոտ։
Պաշտպանության նախարարությունից ևս, անդրադառնալով տեղեկությանը, նշեցին, որ ՊՆ-ն ակտիվ աշխատում է իրանական կողմի հետ՝ նմանտիպ լուրերի իսկությունը պարզելու համար։ Այս պահի դրությամբ ՊՆ-ն նման հաստատված տվյալներ չունի:
