Մնացականյանը մեկնաբանել է Ղարաբաղյան հակամարտության կարգավորմանը ՀԱՊԿ-ի ներգրավման միտքը

Հայաստանը շարունակում է Լեռնային Ղարաբաղում տիրող իրավիճակի վերաբերյալ կապ պահպանել ՀԱՊԿ-ի հետ ու գործընկերներին տեղեկություններ է փոխանցում իրավիճակի մասին: ՌՒԱ Նովոստիի հետ զրույցում հայտարարել է ՀՀ ԱԳ նախարար Զոհրաբ Մնացականյանը:

«Հայաստանը շարունակում է խորհրդակցությունները ՀԱՊԿ-ի ու անդամ երկրների հետ՝ առանձին-առանձին և իր դաշնակիցներին տեղեկություններ է փոխանցում իրավիճակի մասին»,-ասել է նա՝ պատասխանելով հարցին, որը վերաբերում է այս փուլում հակամարտության կարգավորմանը կազմակերպության մասնակցությանը: