Այս պահի դրությամբ մարտերի ուժգնությունը որոշակիորեն թուլացել է. Արծրուն Հովհաննիսյան

Այսօր՝ վաղ առավոտյան, նորից մարտերը շարունակվել են։ Հյուսիսային և հարավային ուղղություններով հակառակորդը փորձել է հարձակողական գործողություններ ծավալել։ Հյուսիսային ուղղությամբ հետ է շպրտվել մեկ-երկու գրոհներից հետո։ Հարավային ուղղությամբ տևական ժամանակ ծանր մարտերը շարունակվում էին, սակայն հիմնականում կողմերը դիրքային փոփոխություններ, զորաշարժեր գրեթե չեն ունեցել։ Այս մասին ասուլիսի ժամանակ ասաց Պն ներկայացուցիչ Արծրուն Հովհաննիսյանը:

«Այս պահի դրությամբ մարտերի ուժգնությունը որոշակիորեն թուլացել է։ Կորուստների մասին լրացուցիչ կտեղեկացնենք, կամփոփվեն թվական տվյալները»,- ասաց Հովհաննիսյանը: