Ադրբեջանն Արցախի բնակչության դեմ օգտագործում է Սմերչ, Պոլոնեզ, Կասիրգա, հարվածային անօդաչուներ. Արայիկ Հարությունյան
Ադրբեջանն Արցախի բնակչության դեմ օգտագործում է Սմերչ, Պոլոնեզ, Կասիրգա, հարվածային անօդաչուներ: Ստեփանակերտում չկա հատված, որտեղ հրթիռային արկեր չեն պայթել: Էլ չասեմ Ղազանչեցոցի մասին, որի շրջակայքում որևէ զինվորական օբյեկտ չկա, սակայն այն հրթիռակոծվեց: Ադրբեջանը վարում է խաղաղ բնակչության բնաջնջման գործընթաց: Այս մասին մամուլի ասուլիսի ժամանակ հայտարարեց Արցախի նախագահ Արայիկ Հարությունյանը:
«Եվ այսքանից հետո ակնկալում են, որ Արցախը համաձայնվի իրենց պահանջների հետ: Դա չի լինելու: Արցախն իրականացնում է իր ինքնապաշտպանության իրավունքը, ինչի շրջանակներում մենք նաև Հայաստանի ու հայության մասնակցությամբ իրականացնելու ենք: Արցախը չի լինելու Ադրբեջանի մաս»,-ասաց նա:
Հարությունյանը նաև շնորհակալություն հայտնեց ՌԴ նախագահ Վլադիմիր Պուտինին Մոսկվայում կայացած խորհրդակցությունները կազմակերպելու համար:
