Ստանիսլավ Զասը խոսել է Ղարաբաղյան հակամարտությանը Թուրքիայի հնարավոր միջամտության մասին

Լեռնային Ղարաբաղի հակամարտութանը Թուրքիայի միջամտությունն ապակառուցողական կլիներ, սակայն ՀԱՊԿ-ը զգույշ կլինի, որպեսզի չվնասի հակամարտության կարգավորմանը, այս մասին հայտարարել է կազմակերպության գլխավոր քարտուղար Ստանիսլավ Զասը, փոխանցում է ՌԻԱ Նովոստին:

«Ես կարծում եմ, որ դա տեղի չի ունենա: Ցանկացած երրորդ կողմի միջամտություն հակամարտութանը ապակառուցողական կլինի: Դուք ուշադրություն դարձրեք ՀԱՊԿ-ի հավասարակշռված դիրքորոշմանը այս հակամարտության հարցում: Կազմակերպությունը շատ զգույշ է, որպեսզի չվնասի հակամարտության կարգավորման գործընթացին: Մենք կարծում ենք, որ բոլոր երկրները, այդ թվում՝ նաև Թուրքիան, պետք ունենան նման դիրքորոշում»,-ասել է Զասը՝ պատասխանելով հարցին, թե ինչ է անելու ՀԱՊԿ-ը, եթե Թուրքիան բացահայտ կերպով միջամտի Ղարաբաղյան հակամարտությանը: