Չկա նման մարդ, ում չեզոքացնելու համար հնարավոր է բարձրագույն մարմինները միավորելու որոշում կայացնել. Բադասյան
Չկա նման մի մարդ կամ մարդկանց խումբ, ում պատճառով կամ ում չեզոքացնելու կամ չգիտեմ, ինչի համար հնարավոր է կայացնել որոշում բարձրագույն պետական մարմինները միավորելու: Այս մասին այսօր՝ սեպտեմբերի 8-ին, լրագրողների հետ զրույցում հայտարարել է Արդարադատության նախարար Ռուստամ Բադասյանը՝ անդրադառնալով դիտարկմանը, որ իշխանությունները ցանկանում են միավորել Սահմանադրական եւ Վճռաբեկ դատարանները, որպեսզի այդկերպ ազատվեն Հրայր Թովմասյանից:
«Դա գաղափարական որոշում է, սահմանադրական ոգին դատական համակարգ բերելու խնդիր է լուծում, դա ինստիտուցիոնալ եւ հեռուն գնացող բարեփոխում է, որն արվում է Հայաստանի քաղաքացիների համար դատական համակարգում փոփոխությունների շարքը շարունակելու միտումով եւ լուծում է ռազմավարական խնդիրներ: Ես անլուջ եմ համարում նման փաստարկների մասին անգամ մտածելը»,-ասաց նախարարը:
Նա տեղեկացրեց, որ պլանավորում են, որ նոր Սահմանադրության հայեցակարգը պատրաստ կլինի հոկտեմբերին, որը կներկայացվի հանրային քննարկման:
