Factor.am-ի տեղեկություններով, օրերս Ավանի փոխթաղապետ Ներսես Պողոսյանն ու ԱԺ ԲՀԿ խմբկացության պատգամավոր Գևորգ Պետրոսյանը ֆեյսբուքյան գրառման պատճառով կոնֆլիկտ են ունեցել։ Լրատվամիջոցի հետ զրույցում Ավանի փոխթաղապետը չհերքեց կատարվածը, ասաց, որ ինքն է զանգահարել Գևորգ Պետրոսյանին՝ «գրառումների պատճառով»։ Ներսես Պողոսյանը նշեց, որ իրար լավ չեն հասկացել, որոշել են հանդիպել, խոսել են, որից հետո հասկացել են իրար։ Մեր հարցին,թե հանդիպման ժամանակ բանը հասե՞լ է բռունցքներին, Պողոսյանն ասաց՝ ոչ․ «41 թիվը հո չի՞, խոսեցինք, հարթվեց գնաց»։ Factor.am-ը զրուցեց նաև Գևորգ Պետրոսյանի հետ․ «Նա զանգահարել է ինձ, հորդորել է գրառումներ չանել վարչապետի հասցեին, ես էլ իրեն հասկացրել եմ, որ Ավանի թաղապետը շատ փոքր մարդ ա, որ ԱԺ պատգամավորի կարծիք արտահայտելու իրավունքին խոչընդոտի կամ դիտողություն անի»։ Պետրոսյանը նշեց, թե իր ընտանիքի անդամներին հայհոյել են, ինչն էլ պատճառ է դարձել, որ ինքը վարչապետի հասցեին գրառում կատարի։ 

Մանրամասները՝ սկզբնաղբյուր կայքում