Ի սկզբանե շոուն կազմակերպվեց՝ մի քանի հաղորդագրություններով․ Ծառուկյանի փաստաբան

Առհասարակ որեւէ ցուցմունք ԲՀԿ առաջնորդ Գագիկ Ծառուկյանի վերաբերյալ այդ քրեական գործով գոյություն չունի։ Այս մասին Kentrontv-ի հետ զրույցում ասել Գագիկ Ծառուկյանի փաստաբան Էմին Խաչատրյանը։

«Ի սկզբանե շոուն կազմակերպվեց՝ մի քանի հաղորդագրություններով։ Անձին հրապարակայնորեն մեղադրում են պետությանը հասցված խոշոր վնասների, ինչպես նաեւ հարկերից խուսափելու, ապօրինի ձեռնարկատիրության համար։ Գալիս են խուզարկության ընտրակաշառքի գործի հետ կապված ու ՀՀ գլխավոր դատախազի միջնորդությունը վերաբերում է միայն ընտրակաշառքին, ուսումնասիրելով այդ նյութերը, մենք հստակ կարող ենք արձանագրել, որ այս գործերը շինծու են։ Բացի դրանից, որեւէ կոնկրետ ապացույց ներկայացված միջնորդության մեջ չկա, որը կհիմնավորի այն հանգամանքը, որ պարոն Ծառուկյանը որեւէ առնչություն ունի այդ ընտրակաշառքների կամ որեւէ անձի հետ, որոնք գործով անցնում են որպես մեղադրյալ։ Հատկանշական է այն, որ իշխանական բոլոր պատգամավորներն քրեական գործից այնպիսի նյութեր են հրապարակում, որոնք նույնիսկ մեզ հասու չեն եղել այս 2 օրվա ընթացքում»,- ասել է Էմին Խաչատրյանը։