ԱԺ «Բարգավաճ Հայաստան» խմբակցության ղեկավար Գագիկ Ծառուկյանին ԱԱԾ աշխատակիցները քիչ առաջ ուզում էին ԱԺ բակից բերման ենթարկել ԱԱԾ, հայտնում է news.am: 

Ծառուկյանը նշեց, որ ինքը պայմանավորվածության համաձայն այսպես թե այնպես ԱԱԾ էր գնում։ Նշենք, որ քիչ առաջ ԱԺ ամբիոնից ելույթ ունենալիս նույնպես Ծառուկյանը հայտարարել էր, որ ելույթից հետո գնալու է ԱԱԾ, որտեղ իրեն կանչել են հարցաքննության։

Լրագրողների հարցին, թե արդյոք Ծառուկյանը պայմանավորվածություն է խախտել, դրա համար են նրան բերման ենթարկում, ԱԱԾ աշխատակիցը պատասխանեց՝ ոչ։

Ծառուկյանն ի վերջո նստեց իր մեքենան, ԱԱԾ աշխատակիցը՝ նրա կողքին։

Նշենք, որ ԱԺ–ում այժմ մեծ թվով դիմակավորված ԱԱԾ աշխատակիցներ կան։