Ոստիկանները ԲՀԿ-ականների նկատմամբ ուժ կիրառելով դուրս բերեցին փողոցից. պատգամավորները վնասվածքներ են ստացել
Ոստիկանները ԲՀԿ-ականների նկատմամբ ուժ կիրառելով հեռացրին Խանջյան փողոցից. նստացույցը դադարեցվեց։Պատգամավորների թվում էին Իվետա Տոնոյանը, Նաիրա Զոհրաբյանը, Կարինե Պողոսյանը, Արման Աբովյանը, Գևորգ Պետրոսյանը։
ԲՀԿ պատգամավորներից Կարինե Պողոսյանը եւ Արման Աբովյանն ուժի կիրառման արդյունքում վնասվածքներ են ստացել, իսկ Ջանիկբեկ Հայրապետյանին, նրանց խոսքով, բերման են ենթարկել։ Պատգամավորներն ասացին, որ Հայրապետյանի հետ կապ հաստատել չեն կարողանում։ Ավելի ուշ սակայն, ոստիկանության ներկայացուցիչը վստահեցրեց, որ պատգամավորին բերման չեն ենթարկել, պարզապես հեռացրել են տարածքից։
Պատգամավորները վրդովմունք են հայտնում՝ ինչպես կարող են ոստիկանները իրենց բողոքը հայտնող պատգամավորներին գցել գետնին՝ քաշ տալով հանել փողոցից։
Տեսանյութը՝ 24news
