ՍԴ 7 անդամները Սերժ Սարգսյանի, Ռոբերտ Քոչարյանի, Լևոն Տեր-Պետրոսյանի կամակատարն են եղել. Փաշինյան
Այսօր Սյունիքի մարզում «Այո»-ի քարոզարշավի ժամանակ վարչապետ նիկոլ Փաշինյանը հայտարարեց, որ ՍԴ-ն չի կարող ի հեճուկս Սահմանադրության, առավել ևս ի հեճուկս ժողովրդի գործել։
«Սահմանադրական դատարանի այն մարդիկ, որոնց մենք տուն ենք ուզում ուղարկել, մեղավոր են այսօրվա իրավիճակի համար, բոլոր դժբախությունների, կոռուպցիայի, ընտրակեղծիքների, ապօրինությունների, բեսպրիդելի համար, քանի որ ՍԴ այդ 7 անդամները իշխանության կամակատար են եղել իրենց գործունեության ողջ ընթացքում, Սերժ Սարգսյանի, Ռոբերտ Քոչարյանի կամակատարն են եղել, 96 թվականին նաև առաջին նախագահ Լևոն Տեր-Պետրոսյանի կամակատարն են եղել, նրանք երբևէ ինքնուրույն դատավորի առաքելություն չեն ունեցել»,- ընդգծեց վարչապետը։
