Եթե Հայաստանը դիմակների նոր խմբաքանակ կարողանա ձեռք բերել, կլինի թանկ. Գեղամ Գևորգյան
Այս պահին կան ցանցեր, որ դիմակ գոյություն չունի, բայց գին չի բարձրացվել, փոքր դեղատներում կա դիմակի գների բարձրացում, նույնիսկ մեզ ուղարկում են, որ List.am-ում են դիմակ վաճառում, բայց դրանք մեր հսկողության տակ չեն գտնվում։ Այս մասին այսօր լրագրողների հետ զրույցում ասաց ՏՄՊՊՀ նախագահ Գեղամ Գևորգյանը։
Նրա խոսքով՝ փորձում են դիմակների նոր խմբաքանակ բերել Հայաստան, սակայն հայտարարվել է, որ դիմակների դեֆիցիտ կա։
«Դրսի մեր գործընկերները հայտարարել են, որ դիմակների գները բարձրացել են, այսինքն, եթե նոր խմբաքանակներ կարողանան ձեռք բերել, կլինի թանկ», - ասել է նա՝ հավելելով, որ Առողջապահության նախարարությունն ունի պահեստավորած դիմակներ։
