«Հանրային վերահսկողության կենտրոն ՀԿ» նախագահ Բաբկեն Հարությունյանը ֆեյսբուքյան իր էջում գրառում է կատարել՝ նշելով, որ իր նախագահած կազմակերպությունը հարցում է ուղարկել Արմավիրի մարզպետարան ստանալու տեղեկատվություն՝ 2019թ․-ի պարգևատրումային ֆոնդի չափի վերաբերյալ, որին ի պատասխան հայտնել են, որ պարգևատրման ֆոնդը կազմել է 120.905.200 դրամ։ Գրառումն ամբողջությամբ՝ ստորև. 

«Հանրային վերահսկողության կենտրոն ՀԿ»-ն հարցում է ուղարկել Արմավիրի մարզպետարան ստանալու տեղեկատվություն՝ 2019թ․-ի պարգևատրումային ֆոնդի չափի վերաբերյալ։ 

Ի պատասխան հայտնել են, որ Արմավիրի մարզպետարանի ծախսերով տնտեսագիտական դասակարգման « Քաղաքացիական, դատական և պետական այլ ծառայողների պարգևատրում» հոդվածով կազմել է 34.381.500 դրամ գումար, իսկ «Պարգևատրումներ, դրամական խրախուսումներ և հատուկ վճարներ» հոդվածով կազմել է 86.523.700 դրամ գումար։ Ընդհամենը պարգևատրման ֆոնդը կազմել է 120.905.200 դրամ։ 

Հարցումներ են ուղղարկվել նաև Արագածոտնի և Վայոց Ձորի մարզպետարաններ, տեղեկատվություն չտրամադրվելու դեպքում կներկայացնենք դատական հայցեր»։