Ղարաբաղի հարցը ինչպես Ադբեջանի, այնպես էլ մեր հարցն է․ Էրդողանը՝ Բաքվում
Մեր ամենամեծ ցանկությունն է Լեռնային Ղարաբաղի հիմնախնդրի լուծումը Ադրբեջանի ինքնիշխանության և տարածքային ամբողջականության շրջանակներում։ Այս մասին նախօրեին Բաքվում հայտարարել է Թուրքիայի նախագահ Ռեջեփ Թայիփ Էրդողանը՝ հավելելով, որ կշարունակեն աջակցել Ադրբեջանին «այս արդար պայքարում»:
««Լեռնային Ղարաբաղի հարցը ինչպես Ադբեջանի, այնպես էլ մեր հարցն է։ Ես ուզում եմ բաց ասել, որ Մինսկի խումբը, ցավոք, անկեղծ չէ այս հարցում, քանի որ կորսված է գրեթե 25 տարի: Ինչո՞ւ, ի՞նչ պատճառով որևէ արդյունք չկա: Բնականաբար, մենք պետք է խոսենք այս մասին»,-ասել է Էրդողանը։
Ալիևն էլ իր հեթին նշել է, թե «Հայաստանի ապակառուցողական դիրքորոշումը հիմնախնդրի կարգավորման հիմնական խոչընդոտն է և որ Հայաստանի ղեկավարության ծայրահեղ հակասական հայտարարությունները մեծ վնաս են հասցնում բանակցային գործընթացին, հավելելով, թե «հակամարտությունը պետք է լուծվի իրենց տարածքային ամբողջականության, երկրի ինքնիշխանության և սահմանների անձեռնմխելիության շրջանակներում»:
