Խորհրդարանական ընդդիմությունը` «ոչ»-ի ճամբար ձևավորելու և ՍԴ դերի մասին

«Բարգավաճ Հայաստան» խմբակցությունն այսօր կայանալիք խորհրդի նիստից հետո կարտահայտի իր դիրքորոշումը Սահմանադրական հանրաքվեին ընդառաջ «ոչ»-ի շտաբ ձևավորելու վերաբերյալ: Այս մասին այսօր ճեպազրույցների ժամանակ հայտարարել են խմբակցության անդամները:

Իսկ «Լուսավոր Հայաստանն» արդեն իսկ արտահայտել է իր մոտեցումը, որ «ոչ»-ի շտաբ չի ձևավորի: Խմբակցության անդամները հայտարարել են, որ սա չի նշանակում, թե կիսում են իշխանության այն տեսակետ, թե Սահմանադրական դատարանը խոչընդոտում է Հայաստանում ինստիտուցիոնալ բարեփոխումներ իրականացնելուն: