Araratnews.am-ը վաղ առավոտյան տեղեկություն է ստացել, որ երեկ Մուրացանի զինվորական հոսպիտալից Սիսիան զինվորներ տեղափոխող ավտոմեքենան ճանապարհներին առկա ձյան ու բքի պատճառով կողաշրջվել է, ինչի հետևանքով զինվորներից երեքը՝ ծանր վիճակում տեղափոխվել են Մուրացանի զինվորական հոսպիտալ:

Լրատվականի թղթակիցը փորձել է պարզել, թե այս պահին ինչպես են բժիշկները գնահատում վթարի ենթարկված զինվորների առողջական վիճակը, սակայն հոսպիտալից որևէ հստակ տեղեկություն չհաղորդվեց: 

Նշենք, որ ըստ հաղորդած տեղեկության` ավտոմեքենայում եղել են վեց զինվոր:

Auroranews-ը տեղեկությունը փորձեց ճշտել ՊՆ-ից, սակայն մեր բազմաթիվ հեռախոսազանգերը մնացին անպատասխան։ 

Կենտրոնական կլինիկական զինվորական հոսպիտալի տնօրենի ընդունարանից էլ Auroranews-ին խնդրեցին, որ զինվորների առողջական վիճակի մասին տեղեկությունը ճշտենք ՊՆ-ից։