Ջրագծի վթարի պատճառով Վանաձոր-Ալավերդի ճանապարհահատվածը ժամանակավոր փակ է
Արդեն տեղեկացրել ենք, որ Վանաձոր Վանաձոր-Ալավերդի-Վրաստանի սահման միջպետական նշանակության ավտոճանապարհին ջրագծի վթար է տեղի ունեցել: Տրանսպորտային ծրագրերի իրականացման կազմակերպությունից տեղեկացնում են, որ Մ6, Վանաձոր-Ալավերդի-Վրաստանի սահման միջպետական նշանակության ավտոճանապարհի վթարի հետևանքով ջուրը վնասել է ճանապարհի կողնակի և ծածկի մի հատված:
Այժմ կատարվում են ճանապարհի ծածկի մաքրման և ժամանակավոր վերականգնման աշխատանքներ:
«Հարգելի՛ վարորդներ, տվյալ ճանապարհահատվածը ժամանակավորապես փակ է: Ճանապարհի մաքրման և վերականգնման աշխատանքների ավարտից հետո կտրվի լրացուցիչ տեղեկություն», -ասված է հաղորդագրությունում:
