Նիկոլ Փաշինյանը կմեկնի Վրաստան

Ազգային ժողովում Ջավախքի հայերի խնդիրների մասին հարցին պատասխանելիս վարչապետ Նիկոլ Փաշինյանը տեղեկացրեց, որ առաջիկայում պատրաստվում է մեկնել Վրաստան։

Նա նշեց, որ մինչ այդ այնտեղ է եղել ՀՀ սփյուռքի գործերով գլխավոր հանձնակատարը, և այցի արդյունքներով արդեն ձևավորված է օրակարգ։

Փաշինյանն ասաց, որ Ջավախքի հայերին վերաբերող բոլոր այդ խնդիրների լուծման վերաբերյալ վրացական կողմը դրական վերաբերմունք ունի, և այդ հարցերը քննարկվելու են վարչապետի՝ Վրաստան այցի ժամանակ։