Չի կարելի պետական ինստիտուտները նսեմացնել. Միքայել Մելքումյան

ԱԺ «Բարգավաճ Հայաստան» խմբակցության անդամ Միքայել Մելքումյանն այսօր խորհրդարանում Սահմանդրական փոփոխությունների նախագծի քննարկման ժամանակ անդրադարձավ ընթացակարգային հարցի: Նա նշեց՝ այս նախագծով պետական շահը ստորադասում են քաղաքական շահին:

«Կան պետական ինստիտուտներ, և դրանք գործում են: Չի կարելի պետական ինստիտուտները նսեմացնել, այն դեպքում, երբ ունեք գործադիր իշխանության, խորհրդարանի, ուժայինների հսկայական մեծամասնություն»,- ասաց նա:

Նախագծի հիմնական զեկուցող Վահագն Հովակիմյանը նշեց, որ իրենց նպատակն է ունենալ 2015թ. Սահմանադրության 7-րդ գլխին համահունչ Սահմանադրական դատարան:

«Պետական շահն է պարտադրում, որ ՀՀ ժողովուրդն ունենա այնպիսի ՍԴ, որի որոշումները կասկածի տակ չեն դնի, չեն մտածի՝ տեսնես էս անգամ ի՞նչ ինտրիգ են հյուսել, ո՞ւմ համար են արել՝ իրենց ընկերների՞, թե՞ քաղաքական թիմի համար: 7-րդ գլխին համապատասխան ՍԴ ունենալը հենց պետական շահից է բխում»,- ասաց զեկուցողը: