ԲՀԿ-ից միայն 1 պատգամավոր է ներկա ՍԴ հարցով ԱԺ քննարկմանը

Ազգային ժողովում Սահմանադրական դատարանի վերաբերյալ նախագծի քննարկմանը ԲՀԿ խմբակցությունից մասնակցում է միայն 1 պատգամավոր։ Խմբակցությունը գրեթե ողջ կազմով դուրս է եկել դահլիճից։ Այդ ընթացքում տեղի ունեցավ գրանցում՝ ելույթների համար։

Գրանցված 45 պատգամավորների մեծագույն մասը «Իմ քայլը» խմբակցությունից էին, որի անդամները ակտիվ չէին հարցեր տալու փուլում։ Ելույթի համար ԼՀԿ խմբակցությունից գրանցվեց ընդամենը 4 պատգամավոր, ԲՀԿ խմբակցությունից՝ 0։

ԱԺ նախագահի առաջարկով որոշվեց ելույթների համար տրամադրել 5-ական րոպե, որպեսզի պատգամավորների մեծ մասը հասցնի արտահայտվել։