![Այս պահին սպառողն ինքն էլ չի նշում, թե որ ընկերության մասին է խոսքը. ՍԱՊԾ-ն` տեղական գարշահոտ հավերի մասին](https://auroranews.am/storage/img/base_image/old/bc2cde93c52fe6b6a2c3ff6c07f35695.webp)
Այս պահին սպառողն ինքն էլ չի նշում, թե որ ընկերության մասին է խոսքը. ՍԱՊԾ-ն` տեղական գարշահոտ հավերի մասին
![Այս պահին սպառողն ինքն էլ չի նշում, թե որ ընկերության մասին է խոսքը. ՍԱՊԾ-ն` տեղական գարշահոտ հավերի մասին](https://auroranews.am/storage/img/base_image/old/bc2cde93c52fe6b6a2c3ff6c07f35695.webp)
Երեկ Ֆեյսբուքյան օգտատերերից մեկը իր էջում տեսանյութ էր հրապարակել և գրառմամբ տեղեկացրել,որ Գյումրիի «Կինգ» սուպերմարկետից տեղական արտադրության հավ է գնել, որից սակայն եփելու ընթացքում փրփուր էր թափվում և տհաճ հոտ էր գալիս։
ArmDaily.am-ի հետ զրույցում ՍԱՊԾ մամուլի պատասխանատու Անուշ Հարությունյանն ասել է , որ իրենք արդեն տեղյակ են խնդրից։
«Սպառողը շատ պատասխանատու վարք է դրսևորել և առաջին հերթին մեզ է զանգել տեղեկացրել։ Մենք ընդունել ենք ահազանգը, ընթացք ենք տվել և այդ նույն խանութից, նույն խմբաքանակից թռչնամիս գնվել է որպես նմուշ և տարվել է լաբորատոր փորձաքննության, որպեսզի հասկանանք, թե ինչ խնդիրներ կան։ Եթե իսկապես խնդիրներ կլինեն, բնականաբար արդեն արձանագրություն կկազմեք»։
Թե որ ընկերության արտադրանք է, ՍԱՊԾ-ից դեռևս հայտնել չեն կարող։
«Այս պահին սպառողն ինքն էլ չի նշում, թե որ ընկերության մասին է խոսքը։ Եթե խնդիր չլինի, ապա արտադրողի համբավը կարտարավորենք, կհրապարակենք այն դեպքում, երբ խնդիր կհայտնաբերվի»,-ասաց Հարությունյանը։
Նշենք, որ լաբորատոր փորձաքննության պատասխանները պատրաստ լինում են 5-7 օրում։