Ադրբեջանի տարածքով Հայաստան ուղարկվել է 8 վագոն հացահատիկ

Օգոստոսի 15-ին Ռուսաստանից Հայաստան՝ Ադրբեջանի տարածքով տարանցիկ ճանապարհով, հացահատիկի հերթական խմբաքանակն է ուղարկվել։ Այս մասին հայտնում է ադրբեջանական APA գործակալությունը։

Ըստ աղբյուրի՝ Բալաջարի կայարանից Բոյուք Քեսիկի ուղղությամբ ուղարկվել է հացահատիկով բեռնված 8 վագոն՝ ընդհանուր 560 տոննա քաշով։

Նշվում է, որ մինչ այժմ Ռուսաստանից Հայաստան՝ Ադրբեջանի տարածքով տարանցիկ ճանապարհով, փոխադրվել է ավելի քան 42 հազար տոննա հացահատիկ, շուրջ 9 հազար տոննա պարարտանյութ, 1 136 տոննա պրոպան, 133 տոննա ալյումին, 1 114 տոննա ածուխ և 67 հազար տոննա փայտանյութ։

Միաժամանակ Ադրբեջանից Հայաստան արտահանվել է շուրջ 15 հազար տոննա դիզելային վառելիք, ինչպես նաև մոտ 5 հազար տոննա ԱԻ-92 և ԱԻ-95 տեսակի բենզին։