Աննա Հակոբյանը ապակենկարի առաջին գույնն է ներկել. նկարը կվաճառվի աճուրդով, գումարը կփոխանցվի երեխաների բուժմանը

Տերյան մշակութային կենտրոնի ստեղծած «Աստված օգնական բոլոր երեխաներին» խորագրով ապակենկարը գունազարդելու առաջին գույնը վստահվել է ՀՀ վարչապետի տիկին Աննա Հակոբյանին:

Այս մասին իր էջում հայտնել է Աննա Հակոբյանը՝ հրապարակելով լուսանկարներ եւ գրելով.

«Ընտրել եմ դեղին գույնը՝ ի նշան արևի, ջերմության ու պայծառության։ Ապակենկարը շարունակելու են գունազարդել քաղցկեղ ունեցող մեր բալիկները, և գունեղ կտավը մարտի 15-ին ԱՄՆ Լոս Անջելես քաղաքում տեղի ունեցող բարեգործական գալա ընթրիքի ժամանակ հանվելու է աճուրդի։

Ամբողջ հասույթը փոխանցվելու է «City of smile/Ժպիտների քաղաք›› հիմնադրամին՝ քաղցկեղ ունեցող երեխաների և դեռահասների բուժումը հոգալու համար»։

[6e25070cfa3dd7093cf9cd8deb96bc56.jpg]

[db913ba23167c2fa66476b10272dc21b.jpg]

[bfe0ca1fbc2e1e567d60f7fe2ce4e2e3.jpg]

[ecccdb0bdb9313412276c4d4c20ecffb.jpg]