Սա նոր մոտիվացիա է Տոկիոյի Օլիմպիական խաղերի համար. Սիմոն Մարտիրոսյան
Հայաստանի ծանրամարտի հավաքականի անդամ Սիմոն Մարտիրոսյանն ուրախ է Ռիո-2016-ի ոսկե մեդալին արժանանալու համար:
«Ուրախ եմ, որ արծաթե մեդալը կդառնա ոսկի, առավել ուրախ կլինեի, եթե դա լիներ 2016 թվականին: Բայց եկեք առաջ չընկնենք և սպասենք մեդալին: Եթե անկեղծ՝ շոկի մեջ չեմ, առավել վաղ գիտեի այս մասին, բայց սպասում էի պաշտոնական հաստատման: Սա ինձ համար նոր մոտիվացիա է Տոկիոյի Օլիմպիական խաղերի համար»,-«Արմենպրես»-ի հետ զրույցում ասել է Մարտիրոսյանը:
