Ոստիկանապետի ԺՊ Արման Սարգսյանի որոշմամբ ոստիկանությունում  ծառայողական քննություն է իրականացվում՝ ԵՊՀ ուսխորհրդի նախագահ Դավիթ Ափոյանին բերման ենթարկելու առնչությամբ ոստիկանության ծառայողների գործողությունների իրավաչափությունը ստուգելու նպատակով: Այս մասին Auroranews-ի  հետ զրույցում ասաց ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը։ 

Նշենք, որ Դավիթ Ափոյանը բերման էր ենթարկվել վերջերս տեղի ունեցած խուլիգանության դեպքի առթիվ քննվող քրեական գործի շրջանակում: Նրան հետո բաց էին թողել: Ափոյանը վկայի կարգավիճակ ունի: