«Ռազմիկը քանի՞ գլուխ ուներ, որ կարողանար դա ինքնուրույն անել». Սյուզաննա Սիմոնյան
Հանրային խորհրդի հանրային կապերի նախկին համակարգող Սյուզան Սիմոնյանը գրել է․ «Մի երկու տարի առաջ դեռ շշուկով խոսվում էր երեխաների վաճառքի մասին, և երբ տեղեկությունների տիրապետող մեկին հարցրի, թե ոնց կարող ենք այդ բունը քանդել, ասաց՝ գիտե՞ս՝ դա տաբու է, հնարավոր չէ այդտեղ մտնել, քանի որ այնպիսի մարդիկ են խառնված և հովանավորում, որ մոտ չեն թողնի: Մի՛ փորձեք: Հիմա դա բացահայտվեց, բայց չի խոսվում հովանավորների մասին: Ռազմիկը քանի՞ գլուխ ուներ կամ ինչի՞ գլուխ էր, որ կարողանար դա ինքնուրույն անել: Նման հանցագործություններն առանց իշխանական հովանավորության տեղի չի ունենում այնպես, ինչպես թմրադեղերի շրջանառությունն ու վաճառքը: Թմրադեղեր, երեխաների վաճառք և թրաֆիքինգ՝ սրանք պարտադիր կատարվում են բարձր, շատ բարձր հովանու ներքո»:
