Նշանակվել են ԱԱԾ տնօրենի 2 նոր տեղակալներ

ՀՀ նախագահ Արմեն Սարգսյանն այսօր՝ դեկտեմբերի 20-ին, նոր հրամանագրեր է ստորագրել, որով Ռոբերտ Բազիկյանը եւ Սամվել Հայրապետյանը նշանակվել են ԱԱԾ տնօրենի տեղակալներ։

Նախագահական կայքում հրապարակված համապատասխան հրամանագրերում ասվում է.

Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմիններում ծառայության մասին» օրենքի 18-րդ հոդվածի 2-րդ մասի.

Ռոբերտ Բազիկյանին նշանակել Հայաստանի Հանրապետության ազգային անվտանգության ծառայության տնօրենի տեղակալ:

Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմին-ներում ծառայության մասին» օրենքի 18-րդ հոդվածի 2-րդ մասի.

Սամվել Հայրապետյանին նշանակել Հայաստանի Հանրապետության ազգային անվտանգության ծառայության տնօրենի տեղակալ: