Հաջողվել է լուծել դպրոցների քաղաքականացման խնդիրը. Հարությունյան
Ազգային ժողովի Կրթության, գիտության, մշակույթի, սփյուռքի, երիտասարդության եւ սպորտի հարցերով մշտական հանձնաժողովի կողմից նախաձեռնված «Կրթության ոլորտում բարեփոխումները, առաջիկա ռազմավարական մարտահրավերները» թեմայով լսումների ընթացքում ԿԳՄՍ նախարար Արայիկ Հարությունյանը հայտարարեց, որ Հայաստանի կրթական համակարգում լուրջ խնդիրներ կան՝ սկսած բարոյահոգեբանական իրավիճակից և վերջացրած ենթակառուցվածքով։
«Հաջողվել է լուծել դպրոցների քաղաքականացման խնդիրը: Դրա լավագույն ապացույցն են համապետական ընտրությունները, ներառյալ նաև Երևանի ավագանու խորհրդի ընտրությունները: Այդ օրերին մենք որևէ բողոք չստացանք քաղաքական գործընթացներին կրթական հաստատությունների ներգրավման հարցով: Դա, իմ կարծիքով, լավագույն ցուցանիշն է»,- շեշտեց Հարությունյանը:
