Վահագն Հարությունյանը չի կալանավորվի. դատարանը մերժեց ՀՔԾ միջնորդությունը
Երեւանի ընդհանուր իրավասության դատարանը՝ դատավոր Արտակ Թադեւոսյանի նախագահությամբ, քիչ առաջ մերժեց Մարտի 1-ի գործով որպես մեղադրյալ ներգրավված Վահագն Հարությունյանին կալանավորելու ՀՔԾ քննիչի միջնորդությունը:
Տեղեկությունը Հայկական Ժամանակի հետ զրույցում հաստատեցին ՀՔԾ-ից:
Հիշեցնենք՝ Հարությունյանին կալանավորելու վերաբերյալ Հատուկ քննչական ծառայությունը երրորդ միջնորդության քննությունն սկսվել էր դեկտեմբերի 13-ին, շարունակվել՝ երեկ, ինչից հետո էլ դատարանը հեռացել էր խորհրդակցական սենյակ:
