Նիկո՛լ, լսու՞մ ես, Էդմոնը ինձ չի սիրում, քեզ է սիրում․ Արմեն Աշոտյան

ՀՀԿ փոխնախագահ Արմեն Աշոտյանը ֆեյսբուքյան էջում գրառում է արել՝ անդրադառնալով ԼՀԿ ղեկավար Էդմոն Մարուքյանի գրառմանը։

«Էդմոն Մարուքյանը վերջերս այնքան հաճախ է կրկնում, որ ինձ չի սիրում, որ ես սկսում են անհանգստանալ իր հոգեբանական առողջության համար։

Եթե այդ հնդկական սերիալի նպատակը Փաշինյանին ինչ-որ բանում համոզելն է, կամ հին պատմությունները ջրելը, ապա օգնեմ իրեն.

-Նիկո՛լ, լսու՞մ ես։ Էդմոնը ԻՆՁ չի սիրում։ Էդմոնը ՔԵԶ է սիրում»,-գրել է Արմեն Աշոտյանը։

Ավելի վաղ Էդմոն Մարուքյանը, անդրադառնալով ՀՅԴ-ական Գեղամ Մանուկյանի՝ «Անկեղծ ասած» հաղորդման ժամանակ ԼՀԿ-ին ուղղված քննադատությանը, գրել էր․ «Դաշնակցական Գեղամ Մանուկյանն էլ է միացել Արմեն Աշոտյանին և շտապել ազդարարել մեր հերթական կործանման լուրը: Դատե՛ք ինքներդ, թե ով է կործանվել ու երբ...»։