Քաղաքապետը ձեռ է առնում ավագանու անդամներին նրանց ելույթների ժամանակ․ Էդմոն Մարուքյան

«Քաղաքապետը ծաղրում է, ձեռ է առնում ավագանու անդամներին նրանց ելույթների ժամանակ»,- այսօր լրագրողների հետ հանդիպմանը հայտարարեց «Լուսավոր Հայաստան» կուսակցության նախագահ Էդմոն Մարուքյանը։
«Երբ քաղաքապետը ծիծաղում էր էդ ելույթի վրա, մի հատ կամեռա ցույց տվե՞ց նրան։ Ոչ մի կամեռա ցույց չի տվել։ Դրա պատճառով մարդկանց ընկալման մեջ եղել է այն, որ ավագանու անդամը օդից վրդովվում է։ Նկարե՞լ եք քաղաքապետին, որ հռհռում էր։ Ֆիդբեք եք ուզո՞ւմ, քաղաքապետը ծաղրում է ավագանու անդամին, որը ոչ մեկ չտեսավ։ Քաղաքապետը ծաղրում է, ձեռ է առնում ավագանու անդամներին նրանց ելույթների ժամանակ»,- ասաց Մարուքյանը։ 

Հիշեցնենք, որ «Լուսավոր Հայաստան» կուսակցությունն այժմ քննարկում է Երևանի ավագանիում իր միակ անդամին` Դավիթ Խաժակյանին հետ կանչելու և ավագանիում նրա գործունեության շարունակության նպատակահարմարության հարցը։