Բացառվում են տնտեսվարողների մոտ թիրախային ստուգումները. Հովհաննիսյանը` Ծառուկյանի հայտարարության մասին

Այսօր տեղի ունեցած մամուլի ասուլիսի ժամանակ, արձագանքելով ԱԺ «Բարգավաճ Հայաստան» խմբակցության ղեկավար Գագիկ Ծառուկյանի այն հայտարարությանը, թե հարկային ստուգումներ միայն իր նկատմամբ են իրականացվում, ՀՀ պետական եկամուտների կոմիտեի նախագահի տեղակալ Էդվարդ Հովհաննիսյանը բացառում է տնտեսվարողների մոտ թիրախային ստուգումները։

«Դրա համար անհրաժեշտ են համապատասխան օրենսդրական պահանջների առկայություն, դրանից հետո նոր միայն հնարավոր է լինում ստուգումների իրականացում: Եթե կան այլ տնտեսվարողներ, ովքեր ունեն բազմաթիվ բիզնեսներ, և դրանք խոշոր հարկ վճարող են, տրամաբանորեն այդ ընկերություններում ստուգումներն ավելի հաճախակի են լինում»։