ԱԺ «Իմ քայլը» խմբակցության պատգամավոր Հայկ Սարգսյանն այսօր Արարատի մարզում լրագրողների հետ ճեպազրույցում անդրադարձավ իր օրենսդրական նախաձեռնությանը, որով առաջարկում է 10 մլն դրամի դիմաց բանակում ծառայել ընդամենը մեկ ամիս։  Պատգամավորը որոշեց տեսախցիկների առաջ ուղերձով դիմել աշխարհասփյուռ հայությանը․

«Սիրելի՛ հայրենակից, եթե դու ցանկանում ես վերադառնալ Հայաստանի Հանրապետություն, սակայն ինչ-ինչ հանգամանքներով չես կարողանում դա անել, որովհետև քո համար քո այսօրվա ապրելակերպին հակասում է ՀՀ-ում երկու տարի ծառայելը, և եթե դու նպատակահարմար ես գտնում Հայաստան վերդառնալ և ծառայել արագացված ընթացակարգով և վճարել օրենքով սահմանված գումարը, խնդրում եմ՝ դրա մասին հայտնեք ինձ, դրա մասին տեղադրեք ձեր սոցիալական ցանցերի էջերում և նաև առանձին ուղարկեք ինձ» ։

Հայկ Սարգսյանն այն միտքը հայտնեց, որ եթե իր ուղերձին փոքրաթիվ մարդիկ արձագանքեն, ինքը կհրաժարվի իր օրենսդրական նախաձեռնությունից։