Հենց ՀՖՖ-ում պրոբլեմ է լինում, չեն կարում հասկանան, ինձ են հիշում. Ռուբեն Հայրապետյան
ՀՖՖ նախկին նախագահ Ռուբեն Հայրապետյանը Lurer.com-ի հետ զրույցում անդրադարձել է տեղեկություններին, թե հեղափոխությունից հետո՝ իր նախագահության օրոք, ՀՖՖ «Տեխնիկական կենտրոն-ակադեմիա» ՓԲԸ-ն 22 մլն դրամի պայմանագիր է կնքել Հայրապետյանի որդուն պատկանող «Նորալուսին» ընկերության հետ։ Թեև վերջինս 152 երեխայի համար պետք է մատուցեր ծառայություններ, սակայն Պետեկամուտների կոմիտեում պարզել են, որ նման ծառայություններ ընկերության կողմից ֆեդերացիային չեն մատուցվել, որից հետո «Նորալուսինը» 22 միլիոն դրամը հետ է փոխանցվել ՀՖՖ-ին։
«Սուտ լուրեր են նման բան չկա։ Նախ ՀՖՖ-ն չի փոխանցել, Ֆուտբոլի ակադեմիան է փոխանցել և երեխաները չեն գնացել, հետ է վերադարձվել։ Պատվեր տվողներն էլ ֆեդերացիայի «պադոնկներն են»։ Հայերեն լեզվով կրկնում եմ, Ֆուտբոլի ակադեմիան է եղել, հետո չեն գնացել՝ փողը ամբողջությմաբ հետ է փոխանցվել, ինչի մասին է խոսքը»,- պարզաբանել է ՀՖՖ նախկին նախագահը:
Նրա խոսքով՝ իր դեմ կեղտոտ խաղեր են փորձում խաղալ․
«Հենց ֆուտբոլի ֆեդերացիայում պրոբլեմ է լինում, չեն կարում հասկանան, ինձ են հիշում։ Ես ընդհանրապես մոռացել եմ ֆուտբոլը, թող իրանք էլ ինձ մոռանան»:
Ամբողջությամբ՝ սկզբնաղբյուր կայքում:
