Դա նշանակում է, որ ես վատ նախարար եմ. Արսեն Թորոսյան

Կարծում եմ այս հանրային քննարկումը բոլորին հասկանալի է։ Այս մասին այսօր լրագրողների հետ զրույցում ասաց Արսեն Թորոսյանը։

Լրագրողի այն հարցին, թե ի՞նչու է իշխող խմբակցությունը լարված իր դեմ, նախարարը պատասխանեց, որ նման կարծիքի չէ։

«Ես ամեն ինչ անում եմ հրապարակային, և քաղաքականությունը պետք է հրապարակային լինի։ Դուք, ըստ էության, պետք է Քրիստինե Պողոսյանին հարցնեք, թե կոնկրետ ինչում է իմ՝ կոռուպցիան դրդելը այս նախաձեռնության գծով։ Ես կարգ եմ գրելու դեղերի տեղեկատվությունը տարածելու, որը գովազդի հետ ընդհանրապես կապ չունի, դա կրկին նենգափոխում է մեր նախաձեռնությունը։ Իսկ Քրիստինեն ասում է, որ կարողա ես սխալ գրեմ։ Դա նշանակում է, ես վատ նախարար եմ»,-ասում է նա։

Լրագրողների այն հարցին, արդյոք ունի աջակցություն վարչապետի կողմից, նախարարը պատասխանեց, որ քանի դեռ աշխատում է, ուրեմն ունի։