Մեզ պետք են Սիրիայում քաղաքական փոփոխություններ. Մերկել

Գերմանիայի կանցլեր Անգելա Մերկելը հայտարարել է, որ Սիրիայում քաղաքական փոփոխությունն անհրաժեշտ է պայմաններ ստեղծելու համար, որոնք թույլ կտան փախստականներին վերադառնալ իրենց բնակավայրեր: Նրա խոսքով՝ ՄԱԿ-ի գլխավոր քարտուղար Անտոնիո Գուտերեշի հետ քննարկման առաջին հարցը եղել է Սիրիայի հարցով ՄԱԿ-ի հատուկ բանագնաց Հեյր Պեդերսենի գործունեությունը՝ կապված Սիրիայի Սահմանադրական  կոմիտեի հետ:

«Մեզ պետք են Սիրիայում քաղաքական փոփոխություններ, մեզ պետք է աշխատանք նոր Սահմանադրության ուղղությամբ, որովհետև միայն այդ ճանապարհով հնարավոր կլինի Սիրիայում երաշխավորել փոփոխություններ, որոնց պարագայում ինչ-որ մի օր փախստականները Հորդանանից, Լիբանանից, Թուրքիայից, և հնարավոր է, Գերմանիայից կկարողանան վերադառնալ հետ: Այսօր նման պայմաններ չկան: Դրա համար ես շնորհակալ եմ ՄԱԿ-ին այդ ջանքերի համար»,- հայտարարել է Մերկելը՝ Գուտերեշի հետ համատեղ ասուլիսում: