Հունանյանի վաղաժամկետ ազատ արձակման դիմումին տվել եմ բացասական եզրակացություն. Բադասյան

Նաիրի Հունանյանի պայմանական վաղաժամկետ ազատ արձակման դիմումին տվել եմ բացասական եզրակացություն, ինչը նշանակում է, որ այս անգամ դատարան չի ուղարկվի, ամեն դեպքում այս փուլում արդարադատության նախարարության ենթակա մարմինների ոլորտից այլևս դուրս է: 

Այս մասին լրագրողների հետ զրույցում ասել է արդարադատության նախարար Ռուստամ Բադասյանը:

Նա նշեց, որ ցանկություն չունի հանդիպել «Հոկտեմբերի 27»-ի ահաբեկչական խմբի ղեկավար Նաիրի Հունանյանի հետ։ «Ոչ մի ցանկություն չունեմ հանդիպելու», - նշել է նա։

Հարցին՝ չի՞ կարծում, որ Հունանյանը կարող է արժեքավոր տեղեկություններ հաղորդել, նախարարը պատասխանեց. «Եթե արժեքավոր տեղեկություններ կարող է հաղորդել, դա պետք է հետաքրքրի իրավապահ մարմիններին, ոչ թե ինձ»։