Խոշոր վթար է տեղի ունեցել Ստեփանծմինդա-Լարս ավտոճանապարհին։ Aurora News զանգահարած քաղաքացին նշեց, որ վթարից տուժել է Հայաստանի 3 քաղաքացի։ Նրանցից երկուսը՝  Մեդիսոն, մեկը՝ Թբիլիսիի կենտրոնական հիվանդանոցում են։ Այս պահին  տուժածների վիճակի մասին տեղեկություններ չկան։ Մեզ դիմած քաղաքացին նշեց, որ տեղի ունեցածի մասին փորձել է հայտնել Առողջապահության նախարարությանը։ «Զանգահարեցինք նախարարություն, պատմեցինք տեղի ուեցածի մասին՝ ոչ մի արձագանք»,- նշեց նա։

Aurora News-ը տեղեկություն ստանալու համար կապ  հաստատեց Առողջապահության նախարարություն Տեղեկատվության և հասարակայնության հետ կապերի վարչության աշխատակիցների հետ։ Մեզ ասացին, որ առայժմ նման տեղեկություն չեն ստացել։ Նշենք, որ կապ ենք հաստատել նաև Վրաստանում Հայաստանի դեպանության հետ, այս պահին սպասում ենք նրանց պատասխանին։