Թուրքիան կարող է պատասխանատվության ենթարկվել. ՄԱԿ

ՄԱԿ-ի մարդու իրավունքների պաշտպանության գրասենյակը, անդրադառնալով Թուրքիայի կողմից Սիրիայի հյուսիս-արևելքում իրականացվող «Խաղաղության ակունք» ռազմական գործողությանը, կրկին հիշեցրել է Թուրքիային, որ պետք է պահպանել միջազգային իրավունքի նորմերը, հայտնում է ermenihaber.am։ 

ՄԱԿ-ի հայտարարության մեջ ասվում է.

«Մարդու իրավունքների միջազգային կանոնադրության և միջազգային մարդասիրական իրավունքի համաձայն` զանգվածային մահապատիժները հանդիսանում են լուրջ իրավախախտումներ և կարող են որակվել որպես ռազմական հանցագործություն։ Թուրքիան՝ իբրև պետություն, կարող է պատասխանատվության ենթարկվել իր հետ առնչություն ունեցող խմբավորումների կողմից իրականացվող իրավախախտումների համար»։

ՄԱԿ-ն օրինակ է բերել սոցցանցերում տարածված բոլոր այն տեսանյութերը, որոնք վերաբերում են քուրդ կին քաղաքական գործիչ Հևրին Հալեֆի և «Սիրիայի դեմոկրատական ուժերի» անդամների սպանություններին և հավելել, որ զանգվածային պատժիչ գործողությունների շուրջ տեղեկություններ է հավաքում: