Վարչապետը դժգոհություններ հայտնել է. Դավիթ Անանյան

Աշխատանքային քննարկումների ժամանակ վարչապետի հնչեցրած դժգոհությունները եղել են գործառույթների վերաբերյալ, այսօր լրագրողների հետ հանդիպմանն ասաց ՊԵԿ նախագահ Դավիթ Անանյանը՝ պատասխանելով հարցին՝ արդյոք գործադիրի ղեկավարը գո՞հ է իր աշխատանքից։

«ՊԵԿ-ի գործառույթների առումով որոշակի վերապահումներ, ցանկութուններ և դժգոհություններ վարչապետն, այո՛, հայտնել է, բայց դա ոչ թե իմ անձին է վերաբերել, այլ՝ ՊԵԿ-ին։ Վարչապետի այդ դժգոհությունները մոտիվացնող են։ Եթե հետագայում կլինի այնպիսի իրավիճակ և այնպիսի անձ, ով ավելի արդյունավետ կիրականացնի այս աշխատանքը, իհարկե, ես պետք է հեռանամ։ Ամփոխարինելի մարդ չկա», - նշեց պաշտոնյան։