9 ամիսների ընթացքում ՊԵԿ-ը հավաքագրել է 1 տրլն և ավելի հարկային եկամուտներ․ Անանյան

2019 թվականի ինն ամիսների ընթացքում Պետական եկամուտների կոմիտեն հավաքագրել է 1 տրլն 61.5 մլրդ դրամ հարկային եկամուտներ: Այս մասին այսօր մամուլի ասուլիսի ժամանակ ասել է  ՊԵԿ նախագահ Դավիթ Անանյանը:

2019-ի ինն ամսվա համար սահմանված էր հավաքագրել 1 տրլն 26.2 մլրդ, այսինքն՝ ընդհանուր առմամբ գերակատարվել է 52.9 մլրդ դրամ կամ 5.2 տոկոս․

«Մենք կանխատեսում էինք, որ երրորդ եռամսյակի թերակատարումը կլինի 20-25 մլրդ, սակայն, ըստ էության, այն կազմել է 10 մլրդ»,- ասել է  Անանյանը:

Նշենք, որ 2019-ի առաջին կիսամյակում ՊԵԿ-ը 62 մլրդ-ով գերակատարել էր նախատեսված հավաքագրման գումարը: Այսինքն՝ ստացվում է, որ առաջին կիսամյակի գերակատարված գումարի շնորհիվ է ՊԵԿ-ը ինն ամիսների դրությամբ գերակատարում ունեցել եւ երրորդ եռամսյակում շուրջ 10 մլրդ պակաս հավաքագրվել նախատեսվածից, որի մասին էլ ասել է ՊԵԿ նախագահը:

2018 թվականի ինն ամսվա կատարողականը եղել է 887.7 մլրդ դրամ, այսինքն՝ այս տարի նախորդ տարվա համեմատ հավաքագրվել է 191.5 մլրդ դրամով ավելի կամ 21.6 տոկոս: