Թուրքիայում հետապնդվում են Սիրիայում իրականացվող գործողություններին դեմ խոսողները․ Փալյան
Խաղաղություն ցանկանալը Թուրքիայում հանցանք է դարձել։ Այս մասին Twitter-ի իր միկրոբլոգում գրել է «Ժողովուրդների դեմոկրատական» կուսակցությունից ընտրված Թուրքիայի խորհրդարանի հայ պատգամավոր Կարո Փայլանը՝ հավելելով, որ Սիրիա ներխուժած թուրքական զինուժի գործողություններին դեմ արտահայտվողների նկատմամբ Թուրքիայում իրականացվում են քրեական հետապնդումներ:
«Խաղաղություն ցանկանալը Թուրքիայում հանցանք է դարձել, պարո´ն նախագահ: «Ո՛չ պատերազմին, խաղաղություն հենց հիմա» միտքը հնչեցրած 9 ԺԴԿ-ական ձերբակալվել է: Ոչ թե խաղաղություն, այլ պատերազմ ցանկանալն է հանցանք»,- գրել է հայազգի պատգամավորը:
