ՏԵՍԱՆՅՈՒԹ. Մարգարիտա Խաչատրյանը փակել է կառավարության շենքի մուտքը
Այս պահին կառավարության շենքի դիմաց բողոքի ակցիա են անցկացնում զոհված զինծառայողների ընտանիքների ներկայացուցիչները։ Զինվոր համակարգող խորհրդի նախագահ Մարգարիտա Խաչատրյանը անժամկետ հացադուլ հայտարարեց և նստեց կառավարության շենքի մոտ: Ոստիկանները տիկնոջն առաջարկեցին տեղափոխվել աթոռին, Խաչատրյանը մերժեց. «Իմ որդին հողում է, ես իրենից լավը չեմ, կնստեմ գետնին»:
Քիչ անց Լ. Ավետիսյանը կտրեց կառավարության նիստին շտապող ՄԻՊ Արման Թաթոյանի ճանապարհը։ Ասաց՝ իրենց խնդիրը կապված է հենց վարչապետի հետ։ Թաթոյանը խորհուրդ տվեց իր մոտենալ կառավարության նիստից հետո, կամ էլ այցելել ՄԻՊ գրասենյակ։
«Արդեն մեկ ամսից ավելի է, մենք այս հարցը բարձրացրել ենք, սակայն ոչ մի արձագանք չի եղել»,-ասաց նա։
