ՏԵՍԱՆՅՈՒԹ. Մեքենայի բեռնախցիկից ընկնում են նոր աղբարկղերը
Ֆեյսբուքյան օգտատեր Գևորգ Հովհաննիսյանը տեսանյութ է հրապարակել, որում երևում է՝ ինչպես է մեքենայի բեռնախցիկից ընկնում նոր աղբարկղերի մի խումբ:
«Տեղափոխվող բեռի տակ անիվների առկայությունը պիտի հիշեցնի, որ արժեր նորմալ անշարժացնել բեռը, հազիվ նոր աղբամաններ էր ստացել Երևանը»,- գրել է նա՝ տեղեկացնելով, որ դեպքը տեղի է ունեցել Թումանյան-Մաշտոց խաչմերուկում:
Երևանի քաղաքապետի մամուլի խոսնակ Հակոբ Կարապետյանի հետ, որը հավաստիացրել է, որ աղբամանները չեն վնասվել.
«Կենտրոն վարչական շրջանի աշխատակազմի վարձակալած մեքենան, որը տեղափոխում էր աղբամանները, մի քիչ անհաջող շրջադարձ է կատարել, աղբամաններից մի քանիսն ընկել է: Ականատեսների վկայությամբ` կադրում երևացող արծաթագույն «Օպելը» չի վնասվել: Չեն վնասվել նաև աղբամանները: Կարելի է սա աղբամանների որակի լավ փորձաքննություն համարել: Աղբամանները բարեհաջող կերպով տեղադրվել են Թումանյան-Սպենդիարյան անկյունում»:
Նրա խոսքով` ավտոմեքենան, որը տեղափոխում էր աղբամանները, վարձակալված էր:
