Ինչո՞ւ է հրաժարական տվել Օսիպյանը և ինչով է զբաղվելու առաջիկայում
Քիչ առաջ հայտնի դարձավ, որ ՀՀ ոստիկանապետ Վալերիյ Օսիպյանն աշխատանքից ազատվելու դիմում է գրել։ Սպասվում է, որ պաշտոնական հաղորդագրություն կտարածվի վաղը։
ArmDaily.am-ի աղբյուրի փոխանցմամբ տևական ժամանակ է Վալերիյ Օսիպյանն անտրամադիր էր, չէր շփվում աշխատակիցների հետ: Հրաժարականից առաջ համակարգում որևէ մեկին չի ասել, իրերը չի հավաքել, հրաժեշտ չի տվել թիմին: Ըստ ամենայնի, նա ծանր է տանում իր հրաժարականը: Համակարգում Օսիպյանի հրաժարականը կապում են ոչ միայն վատ աշխատանքի, վատ ցուցանիշների և քաղաքում տիրող իրավիճակի հետ, այլև օրենքի վերջին փոփոխության հետ, ըստ որի ոստիկանության և ԱԱԾ պետերի պաշտոնները դառնում են քաղաքական: Լրատվականի տեղեկություններով Օսիպյանը խնդրել է իրեն նշանակել ՀՀ ոստիկանության ներկայացուցիչը Ռուսաստանի ներքին գործերի նախարարությունում: Կարծես՝ այդ խնդրանքն իշխանության ներկայացուցիչները հակված են բավարարելու:
Առավել մանրամասն՝ սկզբնաղբյուր կայքում
