Սիրիայում պատերազմն ավարտվել Է. Լավրով

Ռուսաստանի արտաքին գործերի նախարար Սերգեյ Լավրովը հայտարարել է, որ Սիրիայում պատերազմն «իսկապես ավարտվել է»: Այդ մասին նա ասել է «Труд» պարբերականին տված հարցազրույցում: 

«Սիրիայում պատերազմն իրոք ավարտվել Է: Երկիրն աստիճանաբար վերադառնում Է բնականոն խաղաղ կյանքի»,- ասել Է Լավրովը, նշելով, որ լարվածության առանձին օջախներ են պահպանվում Սիրիայի իշխանությունների վերահսկողության տակ չգտնվող տարածքներում: Մասնավորապես, խոսքը վերաբերում Է Իդլիբին եւ Եփրատ գետի արեւելյան ափին:

Նախարարն ընդգծել Է, որ Ռուսաաստանը հանդես Է գալիս Սիրիայի տարածքային ամբողջականության վերականգնման օգտին:

Ըստ նրա՝ այդպիսի պայմաններում առաջնահերթ է Սիրիային մարդասիրական օգնություն ցուցաբերելու և «ճգնաժամը քաղաքական ճանապարհով լուծելու խնդիրը` հասնելու հուսալի և երկարաժամկետ կայունության՝ ինչպես Սիրիայում, այնպես էլ Մերձավոր Արևելքի ողջ տարածաշրջանում»: